Procesi i globalizimit ka sjellë me vete një lëvizshmëri shumë më të madhe të kapitalit njerëzor. Kjo fjali, në dukje e bluar për seminare pompoze e teorike, mund të projektohet në rastin shqiptar tek fenomeni i mirënjohur i largimit masiv të shqiptarëve 15 vitet e fundit drejt vendeve të ndryshme të Evropës e Amerikës. Pjesë jo e vogël e të larguarve kanë qenë dhe kuadro, profesionistë, maturantë, studentë, profesorë etj. Mbi këtë "largim të mendjes", proces ky akoma në vazhdim, ekzistojnë aktualisht shumë pak të dhëna të sakta. E vetmja gjë që mund të thuhet me siguri është se "largimi i mendjes" ka prekur rëndë shoqërinë shqiptare gjatë viteve të tranzicionit. Me gjithë dëmet afatgjata që sjell "largimi i mendjes" për shoqërinë shqiptare, globalizimi mund të shihet dhe si shans për nisjen e procesit të "rifitimit të mendjes", si proces balancues kundër "largimit të mendjes", për disa arsye. Në radhë të parë, globalizimi së bashku me teknologjitë e reja të komunikimit ka rritur shpejtësinë e transferimit të dijeve shkencore e teknologjisë. Këtu mund të përmendim se India është një nga vendet për t'u marrë shembull për mënyrën si e ka përdorur diasporën e saj si pararojë të përftimit të teknologjisë së re. Së dyti, globalizimi ka rritur ndjeshëm mundësinë e transferimit të kapitalit dhe shpejtësinë e këtij transferimi pavarësisht nga vendndodhja gjeografike. Mbi këtë sfond mund të përmendet rasti i Kinës, në të cilën rreth 80% e investimeve të huaja vijnë nga diaspora e saj.

nga Brikena Demiras

“Duhet strategji për studentët jashtë”

Shteti shqiptar duhet të formulojë strategji konkrete për studentët jashtë. I këtij mendimi është Endri Deliu, një prej autorëve të studimit të Albstudent, i cili shprehet për gazetën “Panorama” se strategjia ndaj studentëve jashtë nuk duhet të kufizohet vetëm në politika joshëse për kthimin e tyre, pasi ata e kanë përfunduar studimin. Sipas studimit të Albstudent, pak më shumë se gjysma e studentëve nga Shqipëria janë të pavendosur mbi kthimin e tyre në atdhe pas studimit. “Mbështetja aktive nga shteti e rrjeteve studentore shqiptare jashtë duhet të shihet si një prioritet, pasi kjo mbështetje është dhe garancia e mbijetesës së këtyre rrjeteve në planin afatgjate. Kjo mbështetje mund të jetë nëpërmjet financimit të projekteve të ndryshme, apo nëpërmjet rolit shumë më aktiv që përfaqësitë shqiptare jashtë duhet të luajnë në organizimin e studentëve”, përfundoi Deliu.

Raddoppiati i «cervelli» stranieri nelle università di Milano. La più numerosa è la comunità albanese

Dyfishimi i studentëve në shkolla, përmirëson imazhin

Vetëm 10.53% e studentëve që studiojnë jashtë, janë të vendosur për të mos u kthyer në vendlindje

Studentët shqiptarë jashtë, të pavendosur për t’u kthyer

Ermal Nazifi